Pou nou minm, par nou minm

Laurent DALLEAU, 40ans, Piton Saint Leu

Mi rèv nou dékane la tér pou nou plant nout manzé, légim, fruit, la vyann…

Mi rèv nou lé otonom an lénérzi, sanm solèy, lo van, zéotérmi…

Mi rèv in rézo transpor prop otour la Rényon, tramway parékzanp

Mi rèv tousa solisyon la ansanm dot i dévlop lékonomi la Rényon, ké bann Rényoné lé formé é i travay pou dévlopman la Rényon é ké travay lé doné avan tout a bann Rényoné.

Mi rèv nout listwar èk nout lang lé amontré dann lékol pou nou konèt ousa nou sort, kisa nou lé é pou nou èt fyér kisa nou lé.